8-1-63 चादिलोपे विभाषा पदस्य पदात् अनुदात्तं सर्वम् अपादादौ प्रथमा क्षियायाम्
चादयो <<न चवाहाहैवयुक्ते>> ८.१.२४ इति सूत्रनिर्दिष्टा गृह्यन्ते। तेषां लोपे प्रथमा तिङ्विभक्तिर्नानुदात्ता भवति विभाषा। चलोपे — शुक्ला व्रीहयो भव॑न्ति, भ॒व॒न्ति॒, श्वेता गा आज्याय दु॒ह॒न्ति॒। भवन्तीत्येतद् विकल्पेन न निहन्यते। वालोपे — व्रीहिभिर्यजे॑त, य॒जे॒त॒, यवैर्य॒जे॒त॒। एवं शेषेष्वपि यथादर्शनमुदाहार्यम्॥
चवाहाहैवानां लोपे प्रथमा तिङ्विभक्तिर्नानुदात्ता । चलोपे । इन्द्रवाजेषु नोऽव (इन्द्र॒वाजे॑षु नोऽव) । शुक्ला व्रीहयो भवन्ति । श्वेता गा आज्याय दुहन्ति । वालोपे । व्रीहिभिर्यजेत । यवैर्यजेत ॥
पूर्वो योग एवशब्दप्रयोगे नित्यार्थः ॥