8-1-29 न लुट् पदस्य पदात् अनुदात्तं सर्वम् अपादादौ
पूर्वेणातिप्रसक्ते प्रतिषेध आरभ्यते। लुडन्तं तिङन्तं नानुदात्तं भवति। श्वः क॒र्ता। श्वः क॒र्तारा॑ै। मासेन क॒र्तारः॑। तासेः परस्य लसार्वधातुकस्यानुदात्तत्वे सति सर्वतासिरेवोदात्तः। यत्र तु टिलोपः, तत्रोदात्तनिवृत्तिस्वरो भवति॥
लुडन्तं न निहन्यते । श्वःकर्ता । श्वःकर्तारौ ॥
श्वः कर्तेत्यादि । अथात्र निघाते प्रतिषिद्धेकः स्वरः श्रूयते ? इत्याह - तासेः परस्येति ॥