7-3-65 ण्ये आवश्यके चजोः कु न
ण्ये परत आवश्यकेऽर्थे कवर्गो न भवति। अवश्यपाच्यम्। अवश्यवाच्यम्। अवश्यरेच्यम्। आवश्यक इति किम्? पाक्यम्। वाक्यम्। रेक्यम्॥
कुत्वं न । अवश्यपाच्यम् ॥
<<ण्य आवश्यके>> - ण्य आवश्यके । कुत्वं नेति । शेषपूरणमिदम् । आवश्यकेऽर्थे यो ण्यस्तस्मिन् परेचजोः कु घिण्ण्यतो॑रिति कुत्वं नेत्यर्थः ।
उदाहरणेषु ठावश्यकाधमर्ण्ययोर्णिनिःऽ,'कृत्याश्च' इति ण्यत्, मयूरव्यंसकादित्वात् समासः,'लुम्पेदवश्यमः कृत्ये' इति मलोपः ॥