7-3-6 न कर्मव्यतिहारे वृद्धिः अचः ञ्णिति तद्धितेषु आदेः
कर्मव्यतिहारे यदुक्तं तद् न भवति। प्रतिषेधागमयोरयं प्रतिषेधः। व्यावक्रोशी, व्यावलेखी, व्यावचर्ची, व्यावहासी वर्तते। <<कर्मव्यतिहारे णच् स्त्रियाम्>> ३.३.४३ इति णच् प्रत्ययः, तदन्ताद् <<णचः स्त्रियामञ्>> ५.४.१४॥
अत्र ऐच् न स्यात् । व्यावक्रोशी । व्यावहासी ॥
कर्मव्यतिहारे यदुक्तमिति । यदस्मिन्प्रकरणे उक्तं तत्कर्मव्यतिहारे न भवतीत्यर्थः ॥