6-2-75 अणि नियुक्ते पूर्वपदम् आदिः उदात्तः
अणन्त उत्तरपदे नियुक्तवाचिनि समासे पूर्वपदमाद्युदात्तं भवति। छत्र॑धारः। तूणी॑रधारः। कम॑ण्डलुग्राहः। भृङ्गा॑रधारः। नियुक्त ोऽधिकृतः, स च कस्मिंश्चित् कर्तव्ये तत्परो न भवतीति नियुक्ते ६.२.६६ इत्यनेन न सिध्यति। नियुक्त इति किम् ? का॒ण्ड॒ला॒वः। श॒र॒ला॒वः॥
अण्णन्ते परे नियुक्तवाचिनि समासे पूर्वमाद्युदात्तम् । छत्रधारः । नियुक्ते किम् । काण्डलावः ॥
एनियुक्त इति युजिर्योगे इत्यस्यैतद्रूपमित्याह - नियुक्तीऽधिकृत इति । स च कस्मिश्चत्कर्तव्ये तत्परो न भवतीति । कार्यान्तरेऽपि नियोगसम्भावात् ॥