6-2-53 न्यधी च प्रकृत्या पूर्वपदम् अञ्चतौ वप्रत्यये
नि अधि इत्येतौ चाञ्चतौ वप्रत्यये परतः प्रकृतिस्वरौ भवतः। न्य॑ङ्, न्य॑ञ्चौ, न्य॑ञ्चः। <<उदात्तस्वरितयोर्यणः स्वरितोऽनुदात्तस्य>> ८.२.४ इत्यञ्चतेरकारः स्वरितः। अध्य॑ङ्, अध्य॑ञ्चौ, अध्य॑ञ्चः। अधी॑चः। अधी॑चा॥
वप्रत्ययान्तेऽञ्चताविगन्तावपि न्यधी प्रकृत्या । नयङ्ङुत्तानः (न्य॑ङ्ङुत्ता॒नः) । उदात्तस्वरितयोर्यण् इति अञ्चतेरकारः स्वरितः । अध्यङ् ॥
अधीचेति। अत्रापि कृत्स्वरादयमेव इष्यत इति दर्शयति॥