6-2-30 बहु अन्यतरस्याम् प्रकृत्या पूर्वपदम् इगन्तकालकपालभगालशरावेषु द्विगौ
बहुशब्दः पूर्वपदमिगन्तादिषूत्तरपदेषु द्विगौ समासेऽन्यतरस्यां प्रकृतिस्वरं भवति। पूर्वेण नित्ये प्राप्ते विकल्पः। ब॒ह्व॑रत्निः,ब॒ह्व॒र॒त्निः। ब॒हुमा॑स्यः, ब॒हु॒मा॒स्यः। ब॒हुक॑पालः,ब॒हु॒क॒पा॒लः। ब॒हुभ॑गालः, ब॒हु॒भ॒गा॒लः। ब॒हुश॑रावः, ब॒हु॒श॒रा॒वः। बहुशब्दोऽन्तोदात्तः, तस्य प्रकृतिस्वरे कृते यत्र यणादेशस्तत्र <<उदात्तस्वरितयोर्यणः स्वरितोऽनुदात्तस्य>> ८.२.४ इत्येष स्वरो भवति॥
बहुशब्दस्तथा वा । बह्वरत्निः । बहुमास्यः । बहुकपालः । बहुशब्दोऽन्तोदात्तः । तस्य यणि सति उदात्तस्वरितयोः <{SK3657}> इति भवति ॥
बहुशब्दोऽन्तोदात इति। कुर्भ्रुश्चेति वर्तमाने लन्धिबंह्यएर्न लोपश्चेति कुप्रत्यये व्युत्पादितत्वात् ॥