6-1-35 चायः की सम्प्रसारणम् छन्दसि
index: 6.1.35 sutra: चायः की
बहुलं छन्दसि इति वर्तते। चायतेर्धातोः छन्दसि विषये बहुलं की इत्ययमादेशो भवति। वियन्ता न्यन्यं चिक्युर्न निचिक्युरन्यम्। लिटि उसि रूपम्। न भवति। अग्नेर्ज्योतिर्निचाय्यः।
index: 6.1.35 sutra: चायः की
न्यंन्यं चिक्युर्न निचिक्युरन्यम् (न्यं1न्यं चि॒क्युर्न निचि॑क्युर॒न्यम्) । लिटि उसि रूपम् । बहुलग्रहणानुवृत्तेर्नेह । अग्निं ज्योतिर्निचाय्य (अ॒ग्निं ज्योति॒र्नि॒चाय्य॑) ॥