6-1-121 अवपथासि च संहितायाम् अचि प्रकृत्या यजुषि अनुदात्ते
यजुषीत्येव। अनुदात्त इति चशब्देनानुकृष्यते। अवपथाःशब्देऽनुदात्तेऽकारादौ परतो यजुषि विषय एङ् प्रकृत्या भवति। त्री रुद्रेभ्यो अवपथाः (काठ० सं० ३०.६.३२)। वपेर्लङि थासि <<तिङ्ङतिङः>> ८.१.२८ इति निघातेनानुदात्तत्वम्। अनुदात्त इत्येव — यद्रुद्रेभ्योऽवपथाः। <<निपातैर्यद्यदिहन्त॰>> ८.१.३० इति निघातः प्रतिषिध्यते॥
अनुदात्ते अकारदौ अवपथाःशब्दे परे यजुषि एङ् प्रकृत्या । त्रीरुंद्रेभ्यो अवपथाः (त्रीरुं॒द्रेभ्यो॑ अवपथाः) । वपेस्थासि लङि तिङ्ङतिङः - <{SK3935}> इत्यनुदात्तत्वम् । अनुदात्ते किम् । यद्रुद्रेभ्योऽवपथाः (यद्रुद्रेभ्यो॑ऽवपथाः) । निपातैर्यद्यदि - <{SK3937}> इति निघातो न ॥