3-4-97 इतः च लोपः परस्मैपदेषु प्रत्ययः परः च आद्युदात्तः च धातोः लस्य लेटः वा
लेट इत्येव। लेट्संबन्धिन इकारस्य परस्मैपदविषयस्य लोपो भवति। वानुवृत्तेः पक्षे श्रवणमपि भवति। जोषि॑ष॒त् (ऋ० २.३५.१)। तारिषत् (ऋ० १.२५.१२)। मन्दिषत्। न च भवति — पता॑ति दि॒द्युत् (ऋ० ७.२५.१)। उद॒धिं च्या॑वयाति (तै०सं० ३.५.५.२)। परस्मैपदग्रहणमिड्वहिमहिङां मा भूत्॥
लेटस्तिङामितो लोपो वा स्यात्परस्मैपदेषु ॥
परस्मैपदग्रहणमित्यादि । अन्यथा टेरेत्वस्यावकाशः - अन्ये लकाराः, लेट।ल्पीकारादन्यत्र इतो लोपस्य - परस्मैपदानि; इडादिषूभयप्रसङ्गे परत्वादितो लोपः स्यात् ॥