3-4-43 कर्त्रोः जीवपुरुषयोः नशिवहोः प्रत्ययः परः च आद्युदात्तः च धातोः कृत् णमुल्
जीवनपुरुषयोः कर्तृवाचिनोरुपपयोर्यथासंख्यं नशिवहोर्धात्वोर्णमुल् प्रत्ययो भवति। जीवनाशं नश्यति। जीवो नश्यतीत्यर्थः। पुरुषवाहं वहति। पुरुषः प्रेष्यो भूत्वा वहतीत्यर्थःकर्तरीति किम्? जीवेन नष्टः। पुरुषेणोढः॥
जीवनाशं नश्यति । जीवो नश्यतीत्यर्थः । पुरुषवाहं वहति । पुरुषो वहतीत्यर्थः ॥
जीवेन नष्ट इति । जीवेन करणेनापदं प्राप्त इत्यर्थः । पुरुषेणोढ इति । पुरुषेण करणेन देशान्तरं प्रापितो देवदतादिरित्यर्थः ॥