3-4-12 शकि णमुल्कमुलौ प्रत्ययः परः च आद्युदात्तः च धातोः कृत् छन्दसि तुमर्थे
छन्दसीत्येव। शक्नोतौ धातावुपपदे छन्दसि विषये तुमर्थे णमुल् कमुल् इत्येतौ प्रत्ययौ भवतः। णकारो वृद्ध्यर्थः। ककारो गुणवृद्धिप्रतिषेधार्थः। लकारः स्वरार्थः। अ॒ग्निं॑ वै॑ दे॒वा॑ वि॒भा॑जं॒ ना॑श॒क्नुव॒न् (मै०सं० १.६.४)। विभक्तुमित्यर्थः। अ॒प॑लुम्पं॒ ना॑शक्नोत् (मै०सं० १.६.५)। अपलोप्तुमित्यर्थः॥
शक्नोतावुपपदे तुमर्थे एतौ स्तः । विभाजं नाशकत् । अपलुपं नाशकत् । विभक्तुमपलोप्तुमित्यर्थः ॥