3-4-10 प्रयै रोहिष्यै अव्यथिष्यै प्रत्ययः परः च आद्युदात्तः च धातोः कृत् छन्दसि तुमर्थे
तुमर्थे छन्दसीत्येव। प्रयै रोहिष्यै अव्यथिष्यै इत्येते शब्दा निपात्यन्ते छन्दसि विषये। प्रपूर्वस्य यातेः कैप्रत्ययः — प्॒रयै दे॒वेभ्यः॑ (ऋ० १.१४२.६)। प्रयातुम्। रुहेरिष्यैप्रत्ययः — अ॒पामोष॑धीनां॒ रोहि॑ष्यै (तै०सं० १.३.१०.२)। रोहणाय। व्यथेर्नञ्पूर्वस्येष्यैप्रत्ययः — अव्यथिष्यै (काठ०सं० ३.७)। अव्यथनाय॥
एते तुमर्थे निपात्यन्ते । प्रयातुं रोढुमव्यथितुमित्यर्थः ॥