3-2-151 क्रुधमण्डार्थेभ्यः च प्रत्ययः परः च आद्युदात्तः च धातोः कृत् वर्तमाने क्वेस्तच्छीलतद्धर्मतत्साधुकारिषु युच्
<<क्रुध कोपे>> <<मडि भूषायाम्>> इत्येतदर्थेभ्यश्च धातुभ्यो युच् प्रत्ययो भवति। क्रोधनः। रोषणः। मण्डनः। भूषणः॥
क्रोधनः । रोषणः । मण्डनः । भूषणः ॥
<<क्रुधमण्डार्थेभ्यश्च>> - क्रुधमण्डार्थेभ्यश्च । 'क्रुध कोपे' 'मडि भूषायाम्' एतदर्थेभ्यो धातुभ्यो युच् स्यात्तच्छीलादिष्वित्यर्थः ।